早幾日睇財經節目，話搞個G20金融峯會大概洗2.2億港紙，你話燒銀紙咩？我哋呢啲寫波佬就見慣不怪，一個頂班球星身價，或者某隊參加一屆歐聯已經唔止呢個價。球圈發錢寒，球員身價高得離譜，我哋作為佢哋嘅「米飯班主」，當球員踢得唔好，絕對有權鬧佢哋契弟。
踢得唔好固然契弟，唔守紀律仲契弟！韋根嘅沙基、曼城嘅羅賓奴完成國際賽後玩失縱，搞到領隊布魯士、曉士好㷫，呢啲臭馬幾好波都冇用。曉士境況麻麻，佢教過嘅布力般亦唔掂，要搶分上岸，好彩呢隊波好幾個主將踢波有heart，唔契弟，為公（頭版貼咗）為私都希望佢哋贏熱刺。
讓球：布力般流浪（平）
心得：熱刺條路易捉
近5場往績：WWLWW
藍鑽石
與簡拿華路同日出生嘅囡囡入學，今季大把時間睇波，尤其係意甲。