薛家燕早前因患膽管炎和胃炎休息了一陣子，昨日是她病癒後首次回新城電台主持節目，並邀請人氣急升的Laughing哥謝天華擔任訪問嘉賓。當天華得知家燕姐因搏命搵錢而賠上健康時，即語重心長地勸她要以健康為重。
病癒後的薛家燕昨日首次回新城主持節目《智慧．創富》，她表示健康恢復不少，但要完全康復大約需兩個月，下周五會為新劇《富貴門》開工，由於至本月底前有百幾場戲要拍，故此壓力甚大，天華聽罷家燕姐的話後，即輕輕拍她臂膀說：「家燕姐，錢係搵唔晒嘅，搵到錢都要有健康身體去使。」
家燕姐自爆搏命搵錢是為金融海嘯追回損失，她說：「以後唔會咁搏，以前嘅我永不熄機，真係唔夠環保，金融海嘯身家冇咗大截咪想補番，而且見到人畀機會我搵錢，就唔想失咗機會。」
家燕姐和天華早年合作拍攝喜劇《皆大歡喜》，有不少時間相處，家燕姐踢爆天華拍《皆》劇時經常玩樂，被監製曾勵珍喝止，天華卻駁嘴說正式拍攝時認真便成，家燕姐謂時至今日訪問天華，覺得他現在說每一句話也是經過思考，變得小心了，天華則表示是長大成熟了。
預祝天華封視帝
當家燕姐預祝天華拿無綫台慶視帝，還笑着問他拿視帝有何感覺，謝天華即說：「你今日復工就講得咁大，言之尚早，我嗰個係今年第一個劇，之後仲有好多個劇同唔同角色出嚟。」
此外，有網民希望稍後開拍的Laughing哥電影版，可以加入床上戲，天華說：「有醫院病床戲，江湖人物隨時都會俾人斬傷，實有床戲，其實我最希望部電影可以喺內地上映。」
採訪、攝影：魯萍