李克勤噚日到新城接受訪問，佢自爆今日會帶囝囝Ryan去玩，慶祝兒童節，因為下個月要做巡迴演唱會，所以今個月會抽多啲時間陪囝囝。講到太太盧淑儀同Ryan日前被偷影，克勤話唔係要囝囝做神秘兒童，只要大家影嘅時候企遠啲，唔好嚇親家人，咁佢就好樂意事後做番訪問，講吓買咗乜做過乜喎！可見佢幾錫老婆同囝囝。