古巨基、方力申和雷頌德昨日在電視城接受《星星同學會》訪問，問基仔會否擔心被爆感情事，他笑說：「講感情事唔係我嘅死穴，只不過咁多年都係低調處理，好少講呢方面，而且我又覺得唔提感情係錫對方嘅方法，相信同得我拍拖嘅人，大家喺呢方面都比較低調，我家冇拍拖。」基仔其後謂最近為準備個唱精神不足，希望訪問時不會失手。
小方想請阿嬌
此外，對於有指蔡卓妍（阿Sa）向鄭中基施壓，希望邀請鍾欣桐（阿嬌）上《美女廚房》，小方說：「我唔知喎，一向都係監製負責請人，不過我都想佢做嘉賓，相信會有好多人睇。」至於會否偏袒舊愛，小方口窒窒說：「千祈唔好咁講呀，到時先算啦！」雷頌德表示雖然衞蘭受家事困擾，不過錄音時很少見她情緒波動。
採訪、攝影：何慧斯