早幾日同老友里奧學人趁熱鬧，走去睇最近好hit個樓盤。入到示範單位，個經紀吹水無敵，讚個盤點好就必定㗎啦，仲話300零萬係上車盤，最適合後生一族。以前啲上車盤係200零萬，但家陣就升到300萬，離譜！講真家息口低，借200零萬分25年還，每個月只係供萬幾，但如果銀行加息或者個P一郁，咁就唔係咁計。
上個禮拜推介德國對列支敦士登開「主其他」，點知德國入得4球，搞到我唔見咗個W。今期再玩日本波，開季至今推5場日聯同日聯盃直播未試過損手，山葉班波好似好咗啲，對住作客唔掂嘅FC東京有力開W，捧上盤。
讓球：磐田山葉（上）
心得：FC東京都唔係好貨色
近5場往績：LWWWL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。