麥當娜（Madonna）近日前往馬拉維為領養4歲女孩MercyJames頻撲，不過當地法院昨日宣判娜姐領養失敗，唔可以帶走Mercy。法院發言人證實，身為單親母親嘅娜姐，未喺當地住夠18個月，所以唔符合領養資格。娜姐噚日雖然冇出庭，但佢喺裁決宣佈後火速回應，表示非常失望，佢話法院否決一個畀Mercy過新生活嘅機會，可能令女童心理承受打擊。