鄭融噚日去港台接受節目《光輝歲月》訪問，佢雖然冇化妝，但近日同唱片監製莊冬昕蜜運嘅佢，仍然神采飛揚。見佢條頸敷咗跌打藥，佢話可能扭親，搞到條頸擰唔到，所以即刻去睇跌打醫生，以免影響之後做騷。講到好朋友關楚耀宣佈暫時離開娛樂圈，鄭融話無論點都支持同尊重對方決定，至於私底下嘅嘢就唔攞出嚟講，佢話真正關心冇必要製造話題。