港男、港女係近日熱門話題，電車男、「黎三萬」講到街知巷聞，連前高官陳四萬都講埋一份。陳太有個網上信箱回應各方問題，近日變成南宮夫人，有人問佢夫妻相處之道，如何白頭到老？
陳太話港男、港女都睇唔順眼對方，主因係男女雙方都要贏，對另一半冇耐性同唔容忍，佢忠告如果想關係長久，應該識得隻眼開、隻眼閉，格言係"Beforemarriage,keepyoureyeswideopen;aftermarriage,keepthemhalfclosed"，即係對伴侶唔好諸事挑剔。陳太又自爆戀愛史，當年佢入讀港大時，老公陳棣榮雖已畢業，但不時返學校做話劇，兩人終於撻着，共諧連理。