牛市究竟是否重臨？近期成為坊間普羅散戶熱談話題。事實上，牛市一期其中一項特徵係冇人敢信，要待進入牛市二期後，投資者回望時才敢確認，越多人不信牛市重臨，而個市又係咁升，就好可能係已踏入牛市。
無論你認為港股係「牛」抑或「熊」，星俠一向不主張散戶造淡，即使你不買股都好，都無謂立亂造淡，否則隨時被大戶挾死。港股昨日大升逾千點，一舉升破14500水平，相信事前無人估到。
首目標1元
一線大價股已勁升，二線股可能接力，可向呢個範疇入市。首長國際（697）早前以11.99億元收購福山能源（639）的12.05%股權，以提升其焦煤上游業務，連同首國控股股東首鋼香港，集團持有福山能源21.91%。
首國昨上升4.9%，報0.85元，升勢有大成交配合，可入市短炒，首目標1元，跌穿0.75元止蝕。
方星俠