「金融海嘯仲食罐頭？咁貴！去街市買餸仲平啦。」「慳家達人」大埔區區議員黃碧嬌，經常想盡辦法「慳錢」，以當精明消費者為己任。除了格價，她更會待街市快將關門之際才買餸，魚蝦蔬菜等隨時平超過一半。
份量多仍可保鮮
「一個罐頭午餐肉，賣十幾蚊，加埋隻蛋咪成廿蚊！」監察物價大行動成員黃碧嬌說，街市的餸菜隨時平得多：「我成日要開會，去到街市，佢哋就關門，反而執到平貨。」她昨傍晚用30元便買到一斤活蝦：「平時要40蚊㗎!」她說魚、蝦、蔬菜都講求新鮮，檔販會在關門前，即約7時許割價散貨。
她說若再晚一點約8時許，在部份舊區街市附近都會有街邊攤販：「輪到佢哋減價喇。」她舉例，菜販或會以5元一份售賣蔬菜：「一份菜有成斤，平時都要7、8蚊啦。」
經濟裝售價較平，但往往份量較多，她說只要懂得「保鮮」便可放心購買。例如將多出的鮮魚放入膠袋，不要清洗並放入鹽，翌日清洗過後，再落薑葱煮仍可煮出鮮味。至於麪包，可先放入冰箱上格，食用前一晚才放回下格，翌日麪包仍然軟熟。至於蔬菜，先用報紙包裹，再放入膠袋，可保持蔬菜水份。
本報記者