港男黃長發戀上已婚鞋王鄧劍群前三奶李姿霆（Karen），這段三角關係越來越複雜，鄧劍群前日入稟向Karen追討早前送贈的4個物業，Karen嘲諷鄧劍群的行為：「佢咁做好小器。」印證愛的反面就是恨。
已婚鞋王鄧劍群02年經友人介紹認識李姿霆（Karen），並收她為三奶，二人03年育有一女，一直發展婚外情，直至去年爆出Karen搭上港男黃長發，她為一段姊弟戀放棄做三奶，令鄧劍群立即發功，除了經濟封鎖，前日又入稟高等法院，向她追討早年相戀期間由他出錢送贈的物業，決意棒打鴛鴦，Karen昨日反擊，揶揄舊愛。
鄧劍群過往先後付款買下西九龍港灣豪庭、紅磡半島豪庭、尖沙嘴山林道卓能中心一個單位和西貢匡湖居獨立屋Karen，惟獨現值1300萬的匡湖居是二人聯名持有，而Karen於05年售出港灣豪庭，鄧劍群決意要追回Karen持有的3個物業和售樓得益。
嘲不忿輸畀後生仔
Karen昨日在電話回應：「佢咁做，我一早預料到，我知佢個人係咁，唔係我就可以跟住佢唔走，同佢一生一世啦。我好肯定話嗰啲物業係嗰時佢送畀我。」
Karen表態不會私下聯絡鄧劍群商討解決方法，她說：「佢咁做好小器。」Karen指當日決定離開鄧劍群，也預料到他會向她索償，她說：「我一早預料到，佢一定接受唔到自己比愛嘅女人離去，咁大打擊，佢自問有成20億身家，點可能輸比一個後生仔，不過佢有咁多錢亦唔代表可以買到人個心。」
鄧控制車輛使用權
鄧劍群早前獲悉Karen有異心，他立即收回送給她代步的百萬平治，據知鄧劍群又向偏幫他的李父入手，游說李父把自己車子賣掉，然後借用旗下車子供李父代步，控制車子使用權，以杜絕Karen向父親借車載黃長發，故Karen近日火速購入價值50萬、紅色開篷的AlfaRomeo，Karen說：「呢架車係朋友讓畀我，囡囡好鍾意坐開篷車。」
採訪：比華利