由電視紅到大銀幕的王祖藍將擔正主演爆笑電影《矮仔多情》，並化身「現代版韋小寶」，在片中享盡齊人福，與幾位靚女有不少親熱鏡頭，當中包括跳辣身舞、親嘴和床上戲，難怪連他都坦言今次拍《矮》片令他實現夢想。
王祖藍憑着出色的扮嘢天份，火速由電視小螢幕紅到電影大銀幕，並擔正主演阮世生執導的爆笑喜劇《矮仔多情》。昨日片中演員王祖藍、黃婉伶（Race）、賈曉晨（JJ）、李曼筠（動漫Maggie）、徐子珊和Angelababy齊齊到何文田愛民邨出席《矮》片開鏡拜神儀式。由於王祖藍是教徒，故此只手拿香燭，沒有祈福上香。
JJ向骨男取經
王祖藍在《矮》片艷福無邊，他扮演落難公子四處媾女，猶如「現代版韋小寶」。不過女對手身形都高過個子矮小的王祖藍，故此她們均識做地穿上平底鞋。祖藍還會與幾位靚女有親熱戲，JJ在片中飾演揼骨妹、Race則跳艷舞，動漫Maggie和客串的Angelababy就分別騷胸和騷長腿，看來祖藍果然好艷福。
對於有機會做「現代版韋小寶」，王祖藍謙虛地說：「我冇韋小寶咁叻，佢有七個老婆，我有五個啫，我會同啲女仔有唔同嘅親熱戲，有親嘴、床戲同跳辣身舞，但全部都只限喺戲內令我實現夢想，戲外就唔會發生。」JJ自爆為了演揼骨妹，欲向到過骨場按摩的男同事取經，但他們竟死口不認到過骨場，令她哭笑不得。
Race會穿貼身舞衣大跳辣身舞，她擔心會將身材缺點表露無遺，她說：「好似我腿唔夠長，腰唔夠幼，胸就可以再豐滿啲，所以我家都有飲木瓜奶健胸。」
子珊做鍾無艷
徐子珊在片中會犧牲靚樣扮演一邊靚臉、一邊醜臉的鍾無艷。
採訪：何永寧
攝影：林德雄