喺度想重申一吓本欄嘅用處，買早飛係想避過臨場可能有機會轉盤，或者早買賠率有更好分頭，選擇就係嚟自最有心水場次，唔關係咪直播或大路波事。總之，都係想讀者受惠，有咩得罪咗請見諒。上期推介彼德堡中咗2:0波膽，今期玩日聯，要浦和紅鑽主場贏大分三神。
上個禮拜國際賽日，各大聯賽讓晒路，今周就重開喇，熱熱地玩場紅鑽W。睇番上周六紅鑽有份入選對巴林嘅日本大軍，都有田中達也、都築龍太、田中鬪莉王同阿部勇樹，須知日聯正值季初，球員要靠正式比賽提升狀態，其實好有幫助。
大分三神識守唔識攻
好似射手田中達也就對巴林表現唔錯，起碼有唔少射門；至於對巴林冇份落場嘅阿部勇樹，都喺周日日聯盃贏橫濱水手1:0場波踢足，加上高原直泰、艾美臣、坪井慶介等喺日聯盃都有份上陣，畀我感覺到紅鑽有寓賽於操效用。
大分三神經過開「咧」戰2:3不敵名古屋鯨魚後，近3場1勝2和未失一球，但前面都只係入過一粒咁大把，似乎銳意加強防守後，攻力轉弱。三神今周有前鋒森島康仁及守將藤田義明停賽，而巴西孖寶烏士利同羅拔圖仲要養傷，高松大樹因傷缺陣，住田貴彥又要代表日本U18踢國際賽，今場完全唔夠前鋒用。只要紅鑽攻得入，開W、開「主勝」應陸續嚟。
玩完日聯玩埋日乙，揀開季5戰全勝嘅湘南比馬，作客贏鳥棲砂岩，平手好抵買。鳥棲砂岩今個禮拜有7位球員因傷唔踢得，好擇使；湘南比馬周身刀張張利，短短5場波經已有6位球員先後開齋，睇嚟長勝路唔係今場斷。驚玩「讓球」嘅，可轉玩1.65倍「細」。文：畢傑
早飛王貼士
星期六8 浦和紅鑽vs大分三神
首選：浦和紅鑽勝（1.57）
次選：浦和紅鑽「半勝」（2.15）
冷選：浦和紅鑽勝2:0（6）
早飛倉
主菜：星期六8浦和紅鑽勝（1.57）@1,500
渾水摸魚過關：星期六8浦和紅鑽勝[-1]（2.65）x星期六9湘南比馬（平）（1.88）2x1@300
今日早餐價錢：$1,800
上日賺蝕：+$4,942早飛倉結餘：81,061
規則：$100,000本錢，每日買早報最多動用$5,000，
最少$1,000，逢周二、五見報。
周末焦點
星期六21 禾夫斯堡vs拜仁慕尼黑
德甲前列大戰，同是第2位的禾夫斯堡迎戰拜仁慕尼黑。兩者同得48分，落後榜首哈化柏林1分，「狼堡」今季主場成績11勝1和，冠絕全德甲，拜仁就算是作客王，要贏亦有難度。
星期六25 紐卡素vs車路士
紐卡素新帥舒利亞，上任後首戰即要迎擊車仔，這名英格蘭傳奇射手重返聖占士球場，足已成本周焦點。車路士中堅泰利代表英軍出戰烏克蘭時，交出1個入球1個助攻，今役能否添食？
星期日36 曼聯vs阿士東維拉
榜首曼聯聯賽兩連敗，現僅多次席利物浦1分，但有少賽一場優勢，今迎維拉料有一番惡鬥，而紅魔近6次在奧脫福交手全勝。維拉已跌至第5位，若爭歐聯資格不能再有閃失。