胡諾言和陳琪拍拖7年冚到密，至上月中才突然傳出二人於本月27日結婚的消息。前晚一對準新人終曝光，各自帶同父母到擺喜宴的半島酒店試菜。胡諾言表示今次突傳喜訊非因未婚妻有餡，只是想趁牛年雙春兼閏月成好事。
現年31歲的胡諾言跟比他年長3載的陳琪低調拍拖7年，戀情密不透風，兩星期前才忽傳出二人結婚喜訊，令人頗感意外。前晚這對準新人終曝光，雙雙現身尖沙嘴半島酒店的結婚場地。
圈中友當戥穿石
胡仔與陳琪本月27日假半島酒店舉行婚禮，筵開10席。據悉準新郎本打算邀圈外友儕任戥穿石，但為顧及招呼電視台友好，遂邀請吳家樂、陳山聰、曹永廉及羅貫峰等加盟兄弟團，伴郎則是其圈外朋友。至於伴娘就由陳琪好姊妹傅楚卉擔任，姊妹團成員悉數為圈外人。近日胡仔和陳琪忙於籌備婚事，前晚兩人偕同雙方父母到半島試菜，胡仔駕駛凌志座駕載未婚妻到達後，直往宴會廳會合家人。3小時後兩家人一起步離酒店，素顏的陳琪穿鬆身衫、圍上大披肩，並為母親體貼地整理衣衫，閒聊一會後才與未婚夫登車離開。
其後記者聯絡胡仔，他表示前晚是雙方家人飯局，順道詳談婚宴細節，目前令他最頭痛的，是擔心賓客名單掛萬漏一，他說：「唔想得失TVB嘅同事，好多朋友都戥我哋開心，仲好客氣，主動話買嘢送畀我哋。」
否認未婚妻有餡
胡仔突然結婚令人懷疑陳琪有餡，他對此否認說：「上年我哋已經計劃，今年係雙春兼閏月，我哋都成7年，好穩定，真係要畀番個名份人哋。」胡仔婚後照顧老婆責無旁貸，他說：「我同公司講咗婚後所有生活正常，好快返工作崗位，一來我即將係一家之主，做嘢好緊要，加埋家（指金融海嘯冲擊）嘅環境，就更加需要努力工作。」他又謂早已置業，生兒育女就順其自然。
採訪、攝影：娛樂突發組
