謝天華近日人逢喜事精神爽，憑劇集《學警狙擊》的卧底角色Laughing哥贏得觀眾歡心後，無綫食過翻尋味，即與姊妹公司邵氏合作將Laughing哥前傳搬上大銀幕，獲不少網友fans支持，但建議加強暴力及床上戲。前晚謝天華風騷拖太太逛便利店，Laughing哥上身的他與店員阿姐吹水之餘，竟大呼要揪出二五仔。
紅爆的Laughing哥謝天華獲無綫狂捧，乘勢而上與邵氏合作開拍電影版的Laughing哥前傳，令謝天華事業更上一層樓。事業家庭均得意的謝天華，前晚風騷地與Laughing嫂十指緊扣現身跑馬地一間便利店，在太太挑選飲品期間，謝天華與店員阿姐吹水聊天，突然見他如Laughing哥上身般說：「邊個講㗎？快啲搵個二五仔出嚟，快啲講邊個……」
巧遇周永恒
心情靚爆的Laughing哥吹水過後，與太太恩愛地手拖手散步返家，途中天華巧遇為《學警狙擊》作主題曲的周永恒，二人見面又攬又搭膊頭，十分好傾，傾談一會兒後周永恒便乘的士離去。
此外，電影版Laughing哥前傳由邱禮濤執導，昨日他接受電話訪問時說：「家着手籌備劇本，打鐵趁熱吖嘛，如果劇本一度好即刻開拍，未必等到5月先拍，會係全男班戲，女主角只有一個。」
起用周秀娜
近日圈中喜用青春一族的o靚模，邱禮濤表示曾有人向他提議起用周秀娜，他說：「都可以考慮吓，我都希望搵個新面孔女主角，即使係內地女藝人都得，不過要識廣東話。」
此外，網友對開拍Laughing哥前傳十分支持，還提議為加強戲劇效果，最好有床上戲及血腥暴力戲份，邱禮濤謂床上戲可以考慮。至於謝天華昨日接受電話訪問時則說：「床上戲唔使刻意加嘅，不過我本人唔抗拒床上戲。」
採訪、攝影：娛樂突發組、丁寧