風水輪流轉，早排隻滙控（005）喺咁俾人插，搞到個市愁雲慘霧，噚日大象威番次，大升1成半，高收49.40元，挾到班淡友有氣冇定唞，恒指仲升過千點收市，成交增加至752億元，個市應該仲未升完。滙控短線阻力喺54至58元，個市挾上去，重要睇實其他重磅股，國壽（2628）佔恒指比重5.2巴仙，好可能係好友挾上嘅對象。
國壽C輪15897：國壽收報27元，升5.8巴仙，股價近排俾條250日線壓住，噚日趁大市勁升一舉破關，短線有機會上試30元，破位睇32元，可以諗吓隻C輪15897，現價33.5仙，有效槓桿4倍，正股升上32元，15897有機會見63仙，正股跌穿25.50元，就沽咗隻輪止蝕。
俊樺