45歲的杜德偉日前到台灣擔任節目第5屆《超級星光大道》評審，其模特兒女友王珈晴（Bibe）更專程由香港飛到台灣陪伴男友，日前兩人拍拖食完潮州菜後即在東區附近逛街，雖然杜德偉和Bibe年齡相差近廿年，但他們卻愛得火熱，全程表現得如糖黐豆一樣。
買衫冇錢找數
不過，當兩人逛一間hiphop時裝店時，竟然有一班年輕人高聲表示杜德偉眼光差，暗示Bibe醜樣。不過杜德偉未有理會，繼續和Bibe溫馨購物，最後兩人揀選了幾件T恤和帽子就結賬，但杜德偉身上沒有現金，只得託店主到鄰店碌卡找數。
事後杜德偉的經理人得知Bibe被途人嫌醜後，即為她大抱不平，並說：「Bibe額頭高，輪廓深邃，還有幾分日本女星土屋安娜的味道，怎麼看都不會和醜扯上關係。」而杜德偉則表示尊重言論自由。
採訪、攝影：黎寶蘋