噚日港股個別發展，大市成交升番上500億元樓上，好多二線股都好活躍，仲有唔細嘅升幅，不過中移動（941）俾人質低2.7巴仙，拖低恒指跌56點收市，另一隻重磅股滙控（005）就微升，睇嚟好友會推高滙控撐住個市。
睇噚日買賣盤活動，煤炭股想齊齊炒上，炒短線可以留意吓。
神華C輪16337：神華（1088）昨收17.84元，升2.1巴仙，連續第3日企穩10日線，睇成交變化，可以上試19元，破位之後，應該會推向22元，可以諗吓隻C輪16337，現價40.5仙，有效槓桿2.6倍，正股升上22元，16337有機會見68.8仙，大約有7成升幅，正股跌穿16.40元，就沽咗隻輪止蝕。
俊樺