電影《一百萬零一夜》（SlumdogMillionaire）風潮停不了，連富婆趙金卿也向印度出發，將位於齋浦爾（Jaipur）的舊皇宮翻新起酒店，投資額達億元。趙金卿笑言印度是她投資的福地，早於6、7年前已投資印度的電訊基金，身家因而漲了幾倍，之後與友人在齋浦爾投資地皮，升價3倍，同時令她避過金融海嘯一劫。
法國皇室御用珠寶商品牌Chaumet前晚在中環旗艦店，推出全新LeGrandFrisson高級珠寶系列，吸引不少社交名媛捧場，包括富婆趙金卿、賭王何鴻燊千金何超瓊、行政會議成員葉維義太太葉梁美蘭、林建岳女友陳浥萍（Monica）和鄭詩韻等。
久未露面的趙金卿透露剛於印度考察回來，她說：「因為會喺印度齋浦爾起酒店，會將一間舊皇宮翻新，投資成億元，個project都要搞年幾，希望2011年前可以完成工程。」
問趙金卿對當地的印象，她說：「嗰度邊有咁多窮人，好多老鼠就真，我個仔去親印度都帶日本木屐拖鞋嚇走老鼠。」有否參觀當地的貧民窟？她說：「有，因為自己都有睇《一百萬零一夜》，啲印度男女好靚。」
買地皮身家暴漲
對於印度，趙金卿讚不絕口說：「印度對於我嚟講係一塊福地，我6、7年前買入印度電訊基金，嗰時身家已經幾倍升，之後我同朋友合資買咗一幅地皮，又升咗3倍，由於資金都去咗印度，所以避過金融海嘯一劫，我好鍾意印度呢個地方。」
此外，鄭詩韻透露金融海嘯下，公關公司生意額下跌了不少，她說：「好多時裝騷都cut咗，家要努力工作，平時一個月有20個活動，家得番十幾個，所以都會返內地發展，都接咗唔少北京、上海嘅工作，希望同公司同事共度時艱，今年唔會有bonus，不過都唔會減人工，希望唔使裁員。」
鄭詩韻趕緊造人
記者笑鄭詩韻工作量減少，可以積極造人時，她說：「工作少咗，多咗時間造人，家都計劃生BB，所以keep好自己身體，有時喺內地飲酒應酬，都會叫老公頂。」
採訪、攝影：JessicaNgan