日本女星飯島愛舊年12月喺屋企逝世前兩日，原來見過佢嘅家庭醫生，嗰位醫生最近接受日本雜誌《女性自身》訪問，佢話飯島愛絕對唔係愛滋病同自殺死，佢最後一次到診所喺舊年12月13日，當時愛姐表示自己好疲累，佢向來受失眠困擾，要食安眠藥，醫生又幫佢打營養針，佢喺診所唞咗一晚，第二朝話自己好精神就離開，點知呢次係佢最後一次同醫生見面。