花旗股市前晚先急跌後反彈，不過收市道指都要跌超過3巴仙，港股噚日升過上去13700水平，但係唔可以高收，其實完全可以理解，因為花旗股市點走仲未知，但港股前日跌得咁勁，噚日咁快企番穩，後市自然可以睇好啲。內銀股跌咗1日又醒番，今日可以留意。
中行C輪15488：中行（3988）噚日報收2.57元，升4巴仙，貼近全日高位收市，尾段買盤好積極，睇嚟調整已經完成，會先試2.70元，破位就向位處2.90元嘅250日線推進，可以諗吓隻C輪15488，現價25.5仙，有效槓桿4.9倍。
正股升上2.90元，15488有機升上44.2仙，正股跌穿2.45元，就沽咗隻輪止蝕。
俊樺