波蘭嘅些路迪門將保路錫上周六慌失失，喺球門前踢空氣搞到自己友輸「烏龍波」，最後作客以2:3不敵北愛爾蘭；波蘭教練比赫加嬲到逐保路錫出隊，等佢返蘇格蘭冷靜吓。預料波蘭今仗對聖馬力諾，會起用登地聯嘅沙路斯卡把關；沙路斯卡來季就會加盟些路迪，睇嚟會搶埋保路錫喺些路迪嘅飯碗。保路錫當年好風光，傳過曼聯想買佢，但家咁出醜法，隨時國家隊同球會都雙失。