鍾嘉欣噚日去冲酒店宣傳連美國總統奧巴馬都用嘅新款手機，一身白色露膊裙嘅佢本來好養眼，但慘在離晒罩，衣不稱身。嘉欣話家市道唔好，有廣告商搵自己做嘢已經好開心，有埋電話送就冇得頂㖭。至於陳冠希（Edison）個生意拍檔KevinPoon都有出現，但佢就見唔到同場嘅前緋聞女友吳雨霏。講到子彈恐嚇信，Kevin話冇同Edison傾呢個話題。