眨眼間，09年又過了第一季，睇番藍籌股表現最好者，竟然係出口歐美貿易的利豐（494），股價期內累升37%；排第二又係歐美經濟寒暑表之一的富士康（2038），首季股價升幅28%。又話金融海嘯冲擊歐美市場最大，但上述兩股升勢咁勁，又點解釋呢？
如果話金融海嘯冇影響又講唔通，事關今年首季表現最差係滙控（005），股價累計跌幅37%。該股表現咁差，原因之一係進行「世紀大供股」，另外梗係與金融海嘯有關。
挑戰2.6元
早前安踏（2020）公佈業績後，股價一個月內由3.38元炒上最高5.52元，升幅達63%，昨收5.10元，累計升幅仍有51%。
另一內地品牌特步（1368）昨派成績表，全年盈利5.08億元人民幣，大升1.3倍。在亮麗業績襯托之下，昨爆升9.5%，收2.19元。
特步破旗，新升浪將展開，直撲去年8月高位2.60元，伺機追入，以1.90元止蝕。
方星俠