張學友為慶祝澳門新濠天地HardRock酒店開幕，特別送出結他和兩件曾於演唱會穿過的歌衫擺放於酒店內，昨日他在中環出席記者會，他說：「最唔捨得支結他，我用佢作歌最多靈感。」
學友為拍新戲經常開通宵，他說：「我放工囡囡已經返學，湊唔到佢哋。大女叫我唔好開工，但我又唔想帶佢去片場睇，怕佢鍾意咗拍戲就弊。」
勸關楚耀勿放棄
此外，學友跟關楚耀的爸爸關維麟相熟，對於世姪在日本涉藏毒，他說：「佢仲細，人生經驗唔多，做咗儍事，後果都要承擔。佢條路仲好長，得到教訓就要聰明啲，佢最重要係畀機會自己，唔好放棄，要識面對。」稍後關楚耀會開記招，學友說：「始終大家關心，有個交代係好，最後對自己同家人交代，加油啦！」
採訪：王連連
攝影：葉君海