【本報訊】玻璃心女童陳黎虹急需換心，她的幼稚園班主任Phoebe為此在facebook建立「支持玻璃心女童換心大行動」群組，至今吸引近4,000人加入。她希望發揮網絡力量，讓小虹早日獲得合適心臟，「我知機會好渺茫，多啲人知，總叫做有希望。」
老師籲捐贈器官
甫升讀小一即患上擴張性心肌病的小虹畢業於基督教信義會頌安幼兒學校，曾在該校任教的Phoebe得悉小虹患病後大感震驚，「我做咗佢三年班主任，睇住佢大，一直好乖好健康，好哋哋點解發生咁嘅事？」她曾到醫院探望小虹，眼見她日漸消瘦及憔悴，惟有在網上宣傳，呼籲人死後捐贈器官，「好多唔相識嘅人幫我哋forward個網址，真係好有心。親人離世當然好傷心，但係如果死後幫到人，都係一件好事。」
該群組現已有百多個留言為小虹打氣。Joseph寫道：「小妹，希望你睇有幾多人支持你，堅持先可以打倒病魔。」育有兩名子女的NgaSze則有感而發：「我希望你快些好似我兩個小朋友咁健康快樂！你要努力呀！我們全家都支持你！」群組網址： http://www.facebook.com/group.php?gid=44948205933。