麥當娜（Madonna）前日繼續為領養4歲女孩MercyJames喺馬拉維辦理手續，因為佢家係單親母親，有違當地嘅領養法例，所以要出庭完成程序，前日佢正式上庭為案件作供。娜姐一身黑色套裝出庭，本來佢希望法官可即時宣判，但法官話要延至後日先審結。出庭後，娜姐前日立即換衫帶埋養子DavidBanda（左）外出散心，仲探訪由佢捐錢興建嘅學校。