香港唔少大企業一邊賺大錢一邊又裁員，估唔到F1車隊都唔例外。巴恩車隊周日喺揭幕戰澳洲站，由畢頓同巴里哲奴包辦冠亞軍，威到盡；點知一日後，就要喺700位員工中裁減270人，當中唔少係今年先請返嚟。車隊行政總裁菲爾好無奈咁話，巴恩始終係私人車隊，加上新例改變，要作出沉重決定。年頭都擔心失業嘅畢頓，口口聲聲要再贏馬來西亞站冠軍，但車隊咁裁員法，唔多唔少都打擊士氣。