甚麼叫再生？中學教師翁志明於06年7月發病，是罕見的急性淋巴性白血病，07年5月動手術，接受哥哥的骨髓移植，手術成功。醫生說，手術後兩年內，有六成復發風險，高危期只餘兩個月，翁志明應可百分百再生了。
病重時做化療，頭髮脫落，經常嘔到喉嚨出血，身體與精神都極度痛苦：「我當時同自己講，如果俾我捱得過，一定要實現以前想做又未做嘅夢想。」於是他替自己定下「死不去便要做的十件事」，出院至今，他已做了兩件：一、遠赴英格蘭奧脫福曼聯主場朝聖；二、看X-Japan演唱會。
抗癌經歷看開得失
尚有八件未落實的事，翁志明還未確定，暫定的則有遊歷南美和看Radiohead演唱會。他說，這些計劃並不難實行，只是以前計較太多：「以前會覺得有錢應該為60歲退休後生活打算，但病過之後發覺，我隨時30歲就冇咗，諗咁多做乜？」
痛苦的磨練，能讓人變得樂天，變得豁達。翁志明說：「抗癌嘅經歷，畀我多一個諗嘢嘅角度。有時一樣嘢做得唔夠好，你會計較得失，但係只要你用一樣更大嘅挫折比較一下，得失就會變得好濕碎，只係你將得失放得太大。唔病過，我都唔會明白有啲嘢其實係好小事。」
執了教鞭十多年的翁志明，病後失去了全職教席，現在只是兼職教師，收入少了一截：「我家反而希望keep住做兼職，我可以多好多時間，做自己想做嘅嘢。錢，夠使就算。」他說，這場大病的最大得着，就是懂得「大事化小」。
看得出，翁志明是如何落實他口中的「大事化小」。重生的他說自己一切安好，其實他仍要面對一種很不尋常的後遺症。醫生發現他的雙手前臂肌肉纖維化，堅硬如石膏，手掌不能完全伸直，跌倒時不能撐起身，須旁人扶起。他已針灸十多次，但進展甚小。
翁志明卻笑着跟記者展示他異樣的雙臂，又笑着奚落自己踢波不復當年勇：「我個腦諗住咁樣踢個波，但係唔知點解隻腳配合唔到，嗰刻都幾hurt㗎，哈哈！」沒有在生命邊緣掙扎過，又怎會明白這些「小事」有幾小？
記者 蔡元貴