花旗兩大車廠提交畀政府嘅重組方案唔掂，俾政府reject咗，消息震散港股，恒指噚日跌咗663點，報收13456，市場氣氛忽然間變得好淡，不過恒指喺呢個水平貼近幾個支持位，照計下跌嘅空間唔會太大。
今日季結會唔會炒番上去，就要睇噚晚花旗股市點走，如果收市跌幅唔係太大，又或者先跌後反彈，今日港股可以睇好啲。如果花旗大跌，港股今朝仲會受壓。
A50C輪15085：A50中國基金（2823）昨收10.50元，跌1.5巴仙，股價噚日跌幅溫和，因為A股個勢仲好好，股價下試9.80至10.30元支持區應該守得住，炒番上去睇12元，可以諗吓隻C輪15085，現價23.2仙，有效槓桿3倍，正股升上12元，15085可見34仙水平，正股跌穿9.80元，就沽咗隻輪止蝕。
俊樺