上星期戰友畢傑神勇，重槌命中彼德堡上盤，幫〈早飛倉〉追回唔少失地，趁當旺當然重槌追多口；塞爾維亞強勢，友賽主場面對老弱殘兵瑞典，主W可以追。
塞爾維亞08年由老牌教練安錫接手，果然煥然一新，暫時喺世界盃歐洲區第7組暫列榜首，壓過法國、羅馬尼亞兩支勁旅；球隊亦以紀律行先，「麻煩友」基士文被「叮」，用聽教聽話嘅施積同祖雲洛域，加埋出任隊長嘅國米中場史坦高域領軍，尼曼查維迪、伊雲洛域守後防，3線極為平均。始終塞爾維亞普遍名氣唔太響，就算今場係友賽，為咗提升個人聲望，塞軍都會博到盡，之前主場友賽更有大勝保加利亞6:1，認真唔講得笑。
瑞典冇伊巴攻力弱
瑞典上仗作客迫和葡萄牙，外圍賽形勢一般；瑞典以老鬼為主，好似軒歷拿臣、安達斯史雲遜、美爾保等老鬼，要佢地連搏兩場，認真吃力；加上伊巴謙莫域因為停賽，根本冇入瑞典大軍，今仗亦唔使預佢，攻力更加疲弱。瑞典近期友賽亦唔見得出色，近4場只得2勝2負，作客荷蘭同美國都輸波；而且教練拉格碧為咗向歐洲主要聯賽球會交代，未必用盡艾文達、施巴斯坦拿臣等外流兵，令球隊實力更為削弱，點計都要揀塞爾維亞。
串希臘德國W
配腳方面，就向兩場熱W埋手；希臘上仗作客同以色列打成1:1，不過回師主場，威力唔同晒，主W有1.65倍，贏得；德國上仗贏列支敦士登4球，都俾主場球迷噓，可見國內球迷對國家隊嘅高要求；周三作客威爾斯，以威爾斯上仗輸畀芬蘭所見，認真攻不強守不穩，德國可望順利連捷，1.48倍客W穩開。
牽牛
早飛王貼士
星期三15塞爾維亞vs瑞典
首選：塞爾維亞勝（2）
次選：塞爾維亞勝[-1]（3.75）
冷選：塞爾維亞勝2:0（7.5）
早飛倉
主菜：星期三15塞爾維亞勝（2）@3,000
渾水摸魚過關：星期三15塞爾維亞勝（2）x星期三19希臘勝（1.65）x星期三25德國勝（1.48）3x1@500
今日早飛價錢：-$3,500
上日賺蝕：+$7,868
早飛倉結餘：$74,419
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三1澳洲vs烏茲別克
只要澳洲主場擊敗烏茲別克，加上同組嘅巴林主場對卡塔爾和波，澳洲就繼主辦國南非外，第2支晉級世界盃決賽周球隊，袋鼠兵今仗定必拚盡。
星期三27英格蘭vs烏克蘭
英格蘭上場友賽輕取斯洛伐克，但有希斯基及卡頓高爾因傷退隊；烏克蘭前鋒舒夫真高效力車路士期間極不愉快，今仗面對大部份來自英超的英格蘭，勢必顯身價。