「ABCDEFG...」一隻英文字母歌,由幼稚園開始都唱唔少,加上明珠台大熱兒童節目《芝麻街》(SesameStreet)嘅幫助,從小便覺得學英文其實真係唔係咁難。喺九十年代《芝麻街》真係好Hit,放學都要專登去買佢最款嘅文具,記得當年價錢仲要唔平!之後人越大就開始無咁迷卡通人物,直到最近bossini×《芝麻街》系列推出,先至又瘋狂咁買,事關《芝麻街》令我諗起無憂無慮嘅童年,着咗上身仲有番幾分童真,連Theresa(傅穎)都係咁話!
記者:陳諾堯
攝影:林栢鈞
TheresaLovesElmo!
好多小朋友細個都好鍾意睇卡通片,應該話大人都係一樣,就連靚女Theresa都唔例外,「我一向都係《芝麻街》Fans,細個有睇開,認識《芝麻街》係因為聽到電視唱英文歌,覺得人物啲聲同個樣都好得意,所以先開始留意,就算到家大個咗諗番都覺得《芝麻街》好有教育意義,教識小朋友好多嘢!」原來Theresa特別鍾意Elmo,覺得佢好Colourful,「記得買過一隻Elmo發聲公仔,係一隻電動Puppet,一按佢個身就可以錄音,好得意!另外細個嘅時候又有着ElmoTee,所以到家都好懷念。今次bossini出《芝麻街》系列,相信好多朋友都會有共鳴,雖然啲衫睇落好似好小朋友,但若果加啲配搭Mix&Match咁着,出嚟嘅效果都可以好型。嚟緊夏天我自己就會襯短褲、短裙同高踭鞋!」
女生都愛紅Elmo
原來除咗Theresa最愛Elmo之外,好多女性都曾經係Elmo擁躉,可能因為佢係紅色,個樣儍儍哋咁幾Cutie,所以吸引到一大班女粉絲。今次bossini女裝特別多Elmo圖案Items,當中嘅Elmo'sTunic更係大熱,質地舒服當One-piece襯褲着或者當裙着都得,反而有童真之餘又有Style,最啱平日當CasualWear。另外,男裝都唔弱,以CookieMonster同Oscar為主打Characters,感覺有點Vintage,但顏色配搭就較平實。
BB衫勁得意
除咗大人有得着《芝麻街》之外,當然唔少得童裝BB衫,身形較Fit嘅女性都可以買160-170碼着。童裝款比大人款仲多,顏色大玩撞色同可愛Cute版BB樣,最得意係嬰兒連身衣款,笠埋頂帽真係成隻真人版Elmo咁!雖然價錢比普通Tee貴,但見到自己BB同《芝麻街》主角一樣咁趣致抵番晒!
配件更Cutie
唔鍾意着《芝麻街》上身但本身又係Fans?唔買衫都有其他Choices!我就會揀實用性高嘅彩色多用袋,圖案實而不華,可當化妝袋、筆袋、NDS袋等都得。另外仲有主角圖案散紙包和Cap帽,包你揀到一件啱心水。
bossini(23711633)
旺角西洋菜街6-12A號