丁蟹又來啦，大家也真的不能不信邪！鄭少秋多年來所引發的丁蟹效應，到現在依然威力強勁，只要他有新劇出，股市通常會大跌。秋官主演的新劇《桌球天王》昨晚在無綫首播，昨日股市竟應聲而跌663點。
鄭少秋當年主演的《大時代》丁蟹一角深入民心，不過自從該劇後，秋官但凡有新劇推出，股市就會下跌。他主演的無綫劇集《桌球天王》昨晚播映，今次除秋官外，在《大》劇中飾演其子丁利蟹的郭政鴻也有份演出，加上《畢打自己人》近期主力播秋官女兒欣宜的戲份，他們三劍合璧，威力不同凡響，難怪昨日股市跌663點，收報13456點，股民怎能不信邪！
勸股民謹慎啲
正在內地拍劇的秋官很關注新劇《桌球天王》昨晚首播，前晚他在電話中說：「我真係唔信丁蟹效應咁靈，我奉勸股民投資要謹慎啲。」秋官一向熱捧滙控，問他共有多少股票在手？他說：「幾多就唔好講，我交晒畀老婆（官晶華）負責。」
「丁蟹仔」郭政鴻昨在電話笑說：「丁蟹父子一出就咁犀利，股巿都頂唔順，真係連累埋我㖭，家秋官去咗內地拍劇避鋒頭，唔通連我都要走埋。」他自言怕承受不到風險，故沒買股票。
有份演出《桌》劇的鄧健泓昨日在將軍澳表示會留意股市狀況，他說：「有時間會睇睇滙豐，大家唔使唔開心，相信隨住我喺套劇入面擊敗秋官，個市會升番。我都知道套劇仲有當年有份做《大時代》嘅郭政鴻，大家係驚啲，冇辦法！」
周美鳳：少少邪
有投資股票的o靚模Kama謂聽聞過丁蟹效應，但覺得只是巧合，她說：「從來冇因為咁輸過錢，我覺得幾搞笑，應該唔會有直接關係。」名媛周美鳳則說：「都覺得有少少邪，唔知係咪風水效應，不過上星期升咗成千幾點，都知道今日個市會調整番，但寧可信其有，呢排都係唔好入貨住，到12,000點左右入貨都未遲。」
採訪：楊潔雯、比華利、顏英儀
攝影：葉君海
