袁彩雲前晚與加拿大餐廳老闆AnthonyKong在深水灣舉行婚宴，眼淺的新娘向親友致謝詞時，感動得哭成喊包。榮升江太的袁彩雲昨日仍然興奮，自爆連日為婚事耗盡精力，太累未能為夫下廚，一對新人新婚首日即變「無飯」夫妻。
袁彩雲前晚在深水灣香港鄉村俱樂部下嫁餐廳老闆AnthonyKong，婚宴邀請的圈中人不多，賓客之一的石修更吹色士風助興，一對新人又唱情歌娛賓，婚宴充滿浪漫又溫馨的感覺，新娘袁彩雲更被氣氛感動流下熱淚，需要新郎Anthony從旁呵護。
袁彩雲表示婚宴前估計自己可以強忍淚水，但最終在向雙方家長致謝詞時，她的眼淚隨即奪眶而出變喊包，她昨日在電話訪問說：「我好感激自己父母，同埋Anthony雙親，冇佢哋都冇我哋，一提到大家屋企人，我就喊起上嚟。」
興奮到翌晨9點
問到袁彩雲可滿意婚禮的細節？她說：「全部都好順利，我同老公跳舞，雖然練習唔多，但我哋好合拍，佢都冇踩到我隻腳，之後仲有一part係細佬打碟，全部賓客一齊跳舞，大家都好開心。」袁彩雲前晚婚禮玩至昨日凌晨12時多才返家，但一對新人心情興奮，並未好好度春宵，她自爆：「真係太興奮，我直至今朝9點先瞓落床，我瞓咗一個鐘就去同老爺奶奶斟茶。」
繼後香燈生兩個
雖然正式成為江太，但袁彩雲卻仍未習慣別人這樣稱呼。問她昨晚可有以老婆身份為Anthony炮製住家飯？她說：「老公好錫我，唔想我咁辛苦，佢話同我出街食，不過籌備婚禮期間真係好攰，消耗精力好盡，等我唞番幾日就會下廚。」袁彩雲知道老爺奶奶恨抱孫，她立即承諾會替江家繼後香燈，她說：「我準備生兩個，最好係一仔一女。」
採訪：比華利
