花旗股市上禮拜五未能進軍8000關，下跌148點收市，對今早港股或會帶來壓力，不過，碰啱期指結算，好淡對方在關鍵位水平應該會有爭持。
經過上禮拜急升，港股技術形態好番好多，結算之後可以15000關做目標，花旗股市雖然有下調壓力，但係內地A股可望反覆向好，近日中國官員暗示有減息空間，A股隨時再急升一段，對港股同H股都有利。
中電信C輪15963：中電信（728）上周五收3.24元，升2.2巴仙，股價升破橫行區，可以反覆上試位處3.69元嘅250日線，破位就睇4元，可以諗吓隻C輪15963，現價41仙，有效槓桿4倍，正股升上4元，15963可見88仙，就算升至3.69元，亦有7成升幅。正股跌穿3.05元，就沽咗隻輪止蝕。
俊樺