韓劇《貝多芬病毒》男星張根錫，噚日喺首爾舉行首個國內影迷聚會，招待250名fans同一班福利機構嘅兒童。錫仔除咗例牌同fans影相同切蛋糕，仲即席上演美男廚房，炮製有wasabi餡嘅飯糰玩遊戲，之後仲落台派畀fans。佢後尾仲玩到癲，一時忘形走光露底褲邊㖭！錫仔話自己童星出身，細細個就好羨慕有演員收到fans整嘅愛心便當。