今年渣打集團（2888）流年運程可能唔錯，金融海嘯下業績維持增長，仲旺埋一眾高層升官發財。
今年1月，前任行政總裁兼非執行主席戴維思棄商從政，成為英國貿易促進和投資部部長。
跟住暫代主席JohnPeace上任唔夠兩個月，上星期已經兼任TheFirstAmericanCorporation非執行董事，噚日《星期日泰晤士報》報道，Peace將會成為英國衛報集團主席。
傳過檔衛報做主席
Peace今年踏入花甲之年，除渣打外，同時兼任ExperianPlc同BurberryPlc主席。報道話，如果GMG落實招攬Peace做揸弗人，佢好有可能逐步淡出銀行工作咁話，估唔到貴為賓架嘅Peace對傳媒業咁有興趣喎！