近期不少股份派完成績表後，股價都出現令散戶感到「窩心」的表現，真係隨意數一數都有好幾隻，例如稍前有安踏體育（2020）、中油香港（135）等。
另一隻金蝶國際（268）上周成績表曝光後，股價亦見炒上1元過外，由於升勢發動不久，估計應冇咁快升完，有機會反覆重上1.50元水平，值得留意，入市則宜採低吸策略，可待回至0.92元水平才出手。
候0.92元買入
金融海嘯對中小企冲擊不小，金蝶的ERP軟件業務又係以低端中小企客戶居多，所以估計今年上半年公司業務頗具挑戰。不過，由於內地企業軟件市場滲透率不高，金蝶長遠前景可謂不俗，而候低入市係想避免「捱價」。
金蝶最先在創業板上市，到05年7月，集團轉往主板掛牌。去年純利1.82億元人民幣，增長33%。管理層表示，截至去年底手頭現金仍有5.2億元，並無融資壓力。
方星俠