我王顥蓉今次雖然是第3次入場睇7欖，但卻是首次不用付錢；原因是3日門票實在太貴了（1,080港元），以往兩年都是以學生證買平價的50蚊飛，單睇周五的比賽；由於周六、日沒有學生票，所以都是在家裏睇電視直播。
我今年申請了做義工，被委派到「畫花臉」檔做3日，好開心；雖然每日只得70蚊飯票，但換來3天免費在大球場睇欖球賽，兼可以感受氣氛，還有身上這套欖球衫，我覺得十分超值。
鍾意欖球團隊精神
我本身是打欖球的，讀中學時已接觸欖球，去年入浸大修讀酒店及旅遊系副學士，亦加入了校內欖球隊；在剛剛完成的大專女子欖球賽，我們得第4名。自己平時亦有打聯賽，上月剛完成了賽季，要到10月聯賽才重開。
我在玩欖球之前是專攻游水的，本來可以入香港拯溺隊，但後來放棄了；因為我鍾意欖球的團隊精神，一班人一齊打比賽，比一個人游水好玩得多。