賭王何鴻燊四房妻妾，子女眾多，四代同堂的他又新添一名曾孫女，孫女何家文月初在英國早產誕下6磅女嬰Suki。前晚賭王和孫女何家華齊齊得獎，何家華盛裝上台，台下名媛因金融海嘯沒心情買衫，何超瓊、葉梁美蘭和李桂蘭等齊齊環保穿舊衫。
經濟不知何時復蘇，有錢人身家也縮水，前晚澳門舉行「MacauTatler周年舞會」，不少名媛便翻穿舊ballgown，環保兼慳錢。何超瓊穿了兩年前購自JoyceBoutique的套裝、葉梁美蘭以結婚時訂做的晚裝出席，李麗娟胞妹李桂蘭更以十多年前的JohnGalliano透視裙示人。
家華奪時尚獎
何超瓊說：「家唔會花心情、時間喺shopping啲奢侈活動上，咪使少咗錢，我都係着舊衫，呢件兩年前嘅都仲啱身，幾好呀。」
賭王何鴻燊獲大會頒鑽石成就獎，他的長房孫女何家華則獲最時尚女性獎，前晚一身華麗OscardelaRenta，開心公佈另一單喜訊，賭王又添曾孫女，她說：「妹妹家文生咗，早產咗少少，3月10日喺英國生，BB女重6磅，我都有飛去英國陪佢，但就冇入產房，佢老公陪佢，佢係第一胎，所以都有啲辛苦。」小B女已改名為Suki，她說：「Suki係當年媽咪做model時嘅名，我個女就用媽咪嘅真名。」
賭王四姨太梁安琪上周生日，賭王說：「太太鍾意鑽石，我拎鑽石獎就啱晒，送咗鑽石畀太太，永遠都唔會拒絕。」
超雲拒提緋聞
賭王幾房兒孫都有撐場，三房長女何超雲與緋聞男友、霍英東孫兒霍啟文更同場，但超雲就扭擰不接受訪問。四姨太幫口叫超雲，更踢爆她花名叫「銷魂」。
採訪、攝影：JessicaNgan