求驗客手記:港職聯猛人上場 - 求驗客

求驗客手記:港職聯猛人上場 - 求驗客

港職聯又有新進展,南華足主羅傑承(圖)噚日喺網頁透露,已經搵咗港會營運經理施利、前足總總幹事袁文川兩位足球知識及經驗豐富嘅猛人幫手;以前踢波出身嘅施利,第日將會負責統籌各支職業球隊,而袁文川則主力搞好港職聯、足總同政府機構嘅關係,兩位喺港職聯嘅角色唔同。另外,我求大俠收到風,除咗施利同袁文川外,港職聯領導層仲有一位猛人上場,專責傳媒同公關工作,呢位勁人曾經喺前康體局做過,之後又去過馬會幫手,家就主力講波,講到咁白,大家都應該估到喇。