滙源果汁（1886）賣盤畀可口可樂唔成事，除咗一班小股東傷心之外，主席朱新禮更加傷入肉，喺家陣朝不保夕嘅時勢，白白冇咗套現75億現金良機，認真谷氣。
之不過，有人歡喜有人愁，安德利果汁（8259）總裁王安好坦白咁話，單刁取消咗，起碼滙源唔會諗點樣加大上游領域投資，變成公司直接競爭對手，安心專注番下游果汁銷售，對安德利嚟講絕對係好消息。
唔使直接競爭
王安又認為，可口可樂肯揼錢嚟中國做天價收購，證明睇好內地飲料市場，仲有好大發展空間，相信外資嚟搵機會仍然係大趨勢，若果將來有刁搞掂咗，或者可以改變中國人習慣，逐步轉飲純天然果汁㖭！
講開又講，自從滙源單刁俾商務部彈番轉頭，都未見朱新禮公開蒲頭講感受，華華好奇想知王安有冇關心吓呢位行家，王安猶豫咗一陣，跟手先答「冇」。
華華惟有希望，朱總親自南下來港，交代吓未來去向啦！