今周因為國際賽期，沒有西甲賽事可揀，但仍有日聯盃呢個盃仔，雖然唔少球隊主力球員都要代表國家隊比賽，但後備兵相信會更加搏命，爭取正選位置，所以亦係吼大波膽嘅合適場次。
清水心跳上周中輪空，足足有成個禮拜備戰呢場分組賽。球隊季初表現唔算好，聯賽2和1負，但佢哋往績上食住京都不死鳥，單喺上季聯賽首次循環就已經贏晒，作客贏3:1，主場就贏2:1；而且最近6次主場贏足5次，1次打和，今次主場往績已經佔優。不過，要留意嘅係每次主場贏不死鳥都只係贏1球，所以推介3:2呢個20倍波膽。
至於另一場日聯盃就揀千葉市原對柏雷素爾，後者首場分組賽就贏FC東京3:1，已經連續兩場比賽入到3球，攻擊力唔錯；而防守方面就麻麻，開「咧」以來場場失波，入得又失得，正合開大波膽嘅條件。千葉市原季前曾經同柏雷素爾「拍跳」，當時就輸1:3開「大」，而聯賽就和1:1不分高下，今次再博和波，揀3:3波膽。
博科特迪瓦失一球
最後揀選世盃外非洲區科特迪瓦對馬拉維，從賠率方面睇，科特迪瓦開「主其他」都係得7倍，入球「大」中位數亦推高到3.5球，反映今場開「大」波膽機會甚高，而以科軍有杜奧巴同沙洛文卡勞兩位車仔鋒將，已經夠殺，但「0」波膽冇咩分頭，不如博佢哋失一球仲好，4:1或5:1都可取。文：戰鬥員A