《學警狙擊》前晚大結局，無綫順應民意補拍30秒讓Laughing哥翻生，但網民對結局的迴響就認真笑唔出。香港討論區上，接近90%網民投票指「翻生」一段無厘頭，更有觀眾於facebook發起杯葛行動，唔睇緊接播出的新劇《桌球天王》，以示不滿。
被彈求其
對於Laughingsir在陰暗的更衣室重披戎裝，有網民謂：「Laughing哥好似做咗厲鬼咁，最後closeup個樣幾鬼恐怖。」又指：「最尾求求其其……寧願Laughing哥有得葬浩園囉！」還說：「係咪真係冇錢冇budget冇人到咁！搵個茄喱啡扮阿sir復佢職都好呀！」至於鍾立文（吳卓羲飾）捱斬仍大難不死，亦遭網民狂轟不合理。
編劇被彈不濟，有網民自發重寫結局，如交代Laughing哥重傷昏迷、鍾立文拿着五元硬幣想要喚醒他，也有網民提議讓鍾立文與李柏翹在街上發現疑似Laughing哥的背影，以openending作結。另外，有網民惡搞謂：「不如加多段若芯從泥土中跳出再同Laughingsir共舞啦。」