旅遊報道是一場小事化大兼斷章取義的遊戲，所以我們才會誤以為泰國遍地人妖、韓國女生日夜整容、杜拜人人奢華。日本京都是另一個被旅遊報道定型的地方，傳媒多年來渲染，令我以為隨街可見藝伎。上月匆匆遊城，果然食飽飯行行吓就見到一名舞伎在趕路，我本能地舉機拍了一張，以為沒甚麼稀奇，倒是同行日本人大呼小叫，着我們快步跟隨。直至跟到出馬路，情況近乎墟冚，街上人夾道歡迎，大家揮手合照，好像在香港碰見劉德華。女主角明顯趕時間，還是耐心逐個微笑，黑的街白的臉，加上笑不露齒的表情，感覺有點超現實。
「你哋好好好好好彩呀！佢哋行蹤神秘，我咁大個人都係第一次喺街撞見咋！」同行繙譯比我興奮90倍。我看着舞伎小姐踩木屐，噠噠噠遠去的身影，心想她會否暗裏呻笨：「早知豪啲打的啦。」
記者：劉嘉蕙