今日同戰鬥員A同路，以日本波為主，首推櫪木SC呢支日乙「新丁」，以佢哋開季4連敗走勢，唔追佢對家就笨。
櫪木SC上仗主場都淨吞福岡黃蜂兩蛋，日乙已經4連敗，而且4場都冇波入，似乎唔夠班踢日乙；今次櫪木SC作客東京綠茵，綠茵今季先由日聯降班，理論上爭成3班波。不過綠茵似乎降班後唔係好爭氣，4場波都係1勝1和2負；而比賽改喺東京國立競技場進行，變相增加綠茵壓力，相信上半場未必攻得入客軍，一於博半全場「和/主」，波膽就繼續追櫪木SC輸0:1同0:2。
日聯盃方面，從上周中直播戲碼所見，FC東京並不太差，如果唔係上半場早段失機頻頻，相信唔會作客大敗畀柏雷素爾；今次番主場，雖然仍有長友佑都及今野泰幸兩位國腳缺陣，但面對作客唔掂嘅神戶勝利船，有望贏波，2.05倍主W可取外，波膽博主隊贏3:1同4:1。
扒冷博FC達拉斯
美職聯未有因為美國國家隊要打世盃外而暫停，周日就有場獨腳戲，由FC達拉斯迎戰美國芝華士，客軍今仗就有中場基捷斯坦代表美國隊而缺陣。以兩軍開鑼戰成績，FC達拉斯主場大敗，美國芝華士就贏波，足智彩夠膽開個FC達拉斯[-1]，擺明對主W有信心，冷選當然博FC達拉斯「讓球主客和」「主勝」啦！文：牽牛