曾執導《無間道》的44歲著名導演麥兆輝，昨日與拍拖5年、任職市場公關的女友鍾慧得（Vida）結婚，兩人下午在薄扶林伯大尼古蹟校園舉行婚禮，新娘在婚禮上更感動落淚，晚上他們移師深灣遊艇會，筵開20圍喜酒，婚禮花費近百萬。
風雪下求婚
麥兆輝指太太比他細11年，去年情人節在日本滑雪時遇上大風雪，兩人被迫留在酒店，麥兆輝乘機以兩卡鑽戒求婚，他昨日更承諾「養老婆一世」，又謂不知是否自己的婚事感染了梁朝偉，他說：「我舊年同梁朝偉講話要結婚，佢即刻話『你唔係同我講啲咁嘢呀，你千祈唔好同嘉玲講呀。』冇耐，佢哋就結婚，仲快過我哋。」問麥兆輝有沒有請劉德華？他說：「冇請。」有傳華仔即將結婚，莫非因撞喜事不能請？他說：「我唔知喎，要考慮嘅嘢太多，唔知點解冇請到。」
余文樂和編劇莊文強等昨日出任兄弟團，他倆謂接新娘時無受到考驗，但給了9萬多元開門利是。余文樂則透露母親下月要做俗稱「通波仔」的心臟手術，令他頗為擔心。關心妍、葉璇以及曾傳不和的劉偉強等也有到賀，劉偉強笑說：「就係不和先要嚟，唔係點不和升級呀？」
晚上到場飲喜酒的多是影圈中人，如黃秋生、林建岳和爾冬陞等，關心妍謂觀禮時大受感動，問她有沒有結婚衝動？她說：「都有，不過睇男朋友啦，應該冇咁快。」
採訪、攝影：張俊銘
