韓國女星金荷娜噚日聯同男星姜志煥出席新片《7級公務員》記者會，兩人喺記者會上擺出特工甫士，但因為金荷娜患上感冒，不時掩住個鼻，令型格大打折扣，不過佢仍然扮到靚靚出席，又大騷美腿，表現非常專業。影片講述諜報要員同犯罪組織鬥智鬥勇嘅故事，金荷娜同姜志煥飾演一對特工情侶。對於同拍檔姜志煥傳出緋聞，二人異口同聲表示工作比起愛情重要。電影下個月23日喺韓國首映。