近排議員好好火，其中長髮議員喺開會時就被人話佢用粗口鬧政府官員，但佢死唔認自己有講過，雖則我對呢位仁兄冇乜好感，不過都認同佢講嘅唔算粗口。我哋呢啲屋邨大嘅，有乜嘢粗口未聽過，長髮議員佢講嗰個同英文字有關嘅字眼真係好濕碎，嚴格嚟講只係俗啲同帶詛咒成份，都冇涉及人體器官，真係談唔上係粗口。但我記得有人講過，識講粗口一啲都唔叻，如果識用斯文字眼鬧到人狗血淋頭，咁先至稱得上至高境界。
德國最近睇到人眼火爆，其中上場主場不敵弱陣嘅挪威0:1，睇怕唔少球迷想用粗口鬧佢哋。今晚德國迎戰超級魚腩列支敦士登，應該可以執番場，一於熱捧「主其他」波膽。
波膽：德國勝主其他
心得：德國3次對列軍入咗23球
近5場往績：WWWLL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。