盛傳蜜運嘅混血名模AnaR.噚日同姚書軼喺中環置地文華演出MarcJacobs春夏時裝騷，對於好友LisaS.力撐佢係最佳女朋友，AnaR.笑住話：「好多朋友都咁講，不過我喺感情上都算badluck，應該要搵我啲女朋友幫我揀。」問到佢家有幾多追求者，佢話：「一隻手數得晒，家揀最緊要對方nice，明白我係workingwoman，可能賺錢多過男友，如果我生喺50年代，已經結咗婚生咗仔。」對於早前被傳媒偷拍煲煙，AnaR.話：「下次都要匿埋食，連模特兒公司都叫我唔好食，將來結婚生BB就會考慮戒。」問到有冇試過食大麻，佢話：「我會避開呢啲引誘，雖然有人offer，不過我都拒絕咗。」